News Reader.info

Papa atakuwa katika mji wa Umoja wa Falme za Kiarabu tangu Mosi hadi 3 Desemba ili kushiriki katika Mkutano wa Umoja wa Mataifa wa Mabadiliko ya Tabianchi,COP28 ambapo atazungumza kwa hotuba

moja iliyopangwa Jumamosi Desemba2.Mpango unajumuisha mikutano ya kibinafsi kati ya nchi mbili na uzinduzi wa Banda la Vatican katika Mji wa Expo. VATICAN NEWS Ofisi ya Vyombo vya Habari

vya Vatican imechapisha tarehe 9 Novemba 2023 ratiba  rasmi ya ziara  fupi ya Baba Mtakatifu  Francisko huko Dubai, kuanzia tarehe Mosi  hadi 3 Desemba 2023, wakati wa Mkutano wa Nchi

Wanachama wa Mkataba wa Umoja wa Mataifa wa Mabadiliko ya Tabianchi au (COP28). Katika Mkutano huo, Papa atakuwa na hotuba moja tu, salamu na mikutano ya kibinafsi katika Nchi mbili. Kwa

hiyo Baba Mtakatifu anatarajia kuondoka katika Uwanja wa Ndege wa Kimataifa Fiumicino,   Roma siku ya  Ijumaa tarehe 1 Desemba, saa 5.30, kuelekea Dubai. Na atatua katika jiji la Emirati saa

2.25 usiku katika Uwanja wa Ndege wa Kimataifa wa hadi Uwanja wa Ndege wa Dubai/ kituo cha Dunia, ambapo Papa atakaribishwa. HOTUBA YA COP28 Kiini cha ziara yake  nzima kitakuwa siku ya

Jumamosi tarehe 2 Disemba 2023 ambapo Papa Francisko atazungumza kwenye Mkutano wa COP28, kabla ya Wakuu wa Mataifa mbalimbali kukusanyika katika mji wa Expo. Papa atawasili saa 4.00 asubuhi

na kutoa hotuba yake. Majira ya  saa 4.30, kwa mujibu wa ratiba tunasoma kuwa, mikutano ya kibinafsi ya nchi mbili imepangwa, ambayo itaendelea katika kikao cha mchana kuanzia saa 9.30

alasiri. UZINDUZI WA BANDA LA IMANI Siku ya Dominika tarehe 3 Desemba 2023, saa 3.00 asubuhi Papa Francisko atazindua "Banda la Imani" katika Jiji la Expo, ambalo lina malengo

makuu sita ya  COP28: kuhamasisha nguvu za dini na viongozi wa kidini kama mawakala wa mabadiliko kwa hatua ya tabianchi; kuakisi hatua madhubuti za taasisi za kidini na jumuiya ili

kukabiliana na mabadiliko ya tabianchi kwa kutumia viashirio vinavyoweza kupimika na utaratibu wa ufuatiliaji; kukuza muungano wa kimataifa wa viongozi wa imani wanaofanya kazi pamoja kwa

ajili ya hatua za tabianchi; kuhimiza viongozi wa kidini kushiriki katika majadiliano ya kisiasa na kuhamasisha hali ya tabianchi miongoni mwa wajumbe wa kisiasa; kufikia upatanisho wa

kihistoria nyuma ya wito wa hatua ya tabianchi; kuunganisha na kuongeza hatua ya pamoja ya watendaji wa kidini waliopo kwenye COP 28.  Katika hilo salamu kutoka kwa Papa zinatarajiwa katika

hafla hiyo. KURUDI ROMA Saa 4.15 Baba Mtakatifu Francisko atahamishiwa kueleka Uwanja wa Ndege wa Kimataifa wa Dubai/Kituo cha Dunia kwa ajili ya afla za kuaga. Kuondoka kuja Roma kumepangwa

sa 4.45 asubuhi; wakati kuwasili, tena katika Uwanja wa Kimataifa Fiumicino Roma, unatarajiwa saa 8.40 alasiri. Ratiba ta Ziara ya Papa huko Dubai