News Reader.info

Tweet i Papes Françesku me rastin e Ditës Ndërkombëtare të Tolerancës (OKB): “Dialogu ndёrmjet njerëzve të feve të ndryshme nuk bëhet vetëm për diplomaci, mirësjellje apo tolerancë. Qëllimi

i dialogut është krijimi i miqësisë, paqes, harmonisë dhe shkëmbimi i vlerave dhe i përvojave morale e shpirtërore në frymën e së vërtetës dhe tё dashurisë. #DitaPërTolerancë”. R.SH. -

VATIKAN Tweet i Papes Françesku me rastin e Ditës Ndërkombëtare të Tolerancës (OKB - datë fikse) “Dialogu ndёrmjet njerëzve të feve të ndryshme nuk bëhet vetëm për diplomaci, mirësjellje apo

tolerancë. Qëllimi i dialogut është krijimi i miqësisë, paqes, harmonisë dhe shkëmbimi i vlerave dhe i përvojave morale e shpirtërore në frymën e së vërtetës dhe tё dashurisë.

#DitaPërTolerancë”. Kёshtu pohon Papa nё njё tweet, sot 16 nёntor 2021, nё Ditёn Ndёrkombёtare tё Tolerencёs. PËR DIALOGUN NUK NEVOJITET “VËLLAZËRIM I RREMË”, SECILI TË MBARTË IDENTITETIN E

VET “Kisha Katolike është e vetëdijshme për vlerën, që ka nxitja e miqësisë dhe e respektit ndërmjet burrave e grave me tradita të ndryshme fetare”. Kështu tha paradite Papa Françesku, në

audiencën me pjesëmarrësit e Asamblesë së përgjithshme të Këshillit Papnor për Dialogun Ndërfetar, mё 28 nёntor 2013 në Vatikan . E kuptojmë gjithnjë e më tepër rëndësinë e dialogut

ndërfetar, shtoi Ati i Shenjtë Bergoglio, jo vetëm sepse bota, në një farë mënyre, bëhet gjithnjë e më e vogël, por edhe sepse fenomeni i emigracionit i rrit kontaktet ndërmjet njerëzve e

bashkësive me traditë, kulturë e fe të ndryshme. Vërtet, nuk mungojnë në botë, kontekste ku bashkëjetesa është e vështirë: shpesh, arsyet politike ose ekonomike u shtohen ndryshimeve

kulturore e fetare, duke vënë në dukje edhe keqkuptimet e gabimet e së kaluarës: e gjithë kjo rrezikon të shkaktojë mosbesim e frikë. Ka vetëm një udhë për të fituar mbi frikën e është ajo e

dialogut, e tolerancёs, e takimit të karakterizuar nga miqësia dhe respekti. E shi për këtë, tё bindur se takimi me njeriun e ndryshëm prej nesh mund të jetë rast për vëllazërim, pasurim e

dëshmi... Sigurisht, është e nevojshme që gjithçka të bëhet duke respektuar bindjet e tjetrit, edhe të atyre, që nuk besojnë, por duhet të kemi guximin e durimin për t’u takuar me tjetrin

ashtu siç jemi. E ardhmja është në bashkëjetesën, që respekton larminë, e jo në homologimin sipas një mendimi unik, teorikisht neutral… Jemi të bindur se kjo është rruga për arritjen e paqes

në botë”.  PËRJETIMI E ZBATIMI I VËLLAZËRIMIT, QË BASHKON NJERËZIT  Dallimet kulturore, shoqërore, fetare, duhet të sjellin në përjetimin e zbatimin e një vëllazërimi të ri, ku pikërisht

ajo që bashkon njerëzit është kuptimi i përbashkët i vlerës që ka madhështia e çdo njeriu. Këtu, gjendet udha e paqes, këtu është orientimi që duhet t’u prijë zgjedhjeve e përcaktimeve

politike dhe ekonomike, të çdo niveli e edhe në shkallë planetare. Për të hapur para breznive të nesërme një të ardhme në paqe, vijoi ai, detyra e parë është ajo e edukimit në paqe, është

kultivimi e ndërtimi i kulturës së paqes. Pra, çdo njeri duhet të jetë në qendër të vëmendjes e të respektit.